Янка Купала ў Славакіі: метадалагічны дыскурс даследвання тэмы

Abstract

Факталагічнай асновай артыкула стаў візіт Янкі Купалы ў складзе дэлегацыі савецкіх журналістаў і пісьменнікаў у Чэхаславакію ў кастрычніку 1935 года. Праца ў архівах і бібліятэках Славакіі дазволіла выявіць і ўвесці ў навуковы ўжытак шэраг новых матэрыялаў і дакументаў, тым самым абвергнуць стэрэатыпы вызначэння некаторых напрамкаў даследавання як цалкам вывучаных, неперспектыўных. Канцэптуальнае меркаванне аўтара грунтуецца на тым, што тэма «Янка Купала ў Славакіі» павінна распрацоўвацца з улікам зменлівай грамадскай і культурнай сітуацыі, скарэкціраванай прызмы асэнсавання мінулага ў Беларусі і Славакіі.