Перспектывы развіцця сістэмы дыстанцыйнага навучання на кафедры бяспекі жыццядзейнасці

Abstract

Асноўнымі дысцыплінамі, выкладаемымі на кафедры бяспекі жыццядзейнасці, з'яўляюцца "Абарона насельніцтва і аб'ектаў ад надзвычайных сітуацый. Радыяцыйная бяспека", "Ахова працы", "Бяспека жыццядзейнасці чалавека". Яны выкладаюцца студэнтам усіх спецыяльнасцяў і формаў навучання. У сувязі з увядзеннем новых вучэбных планаў, згодна з якімі значна зменшылася колькасць лекцыйных заняткаў, а таксама ліквідавалася здача пісьмовых кантрольных работ, для студэнтаў завочнага факультэта паўстала неабходнасць у больш паглыбленай самастойнай падрыхтоўцы, якая патрабуе своечасовасці і самакантролю вывучэння дысцыплін. Для вырашэння дадзенай праблемы актуальна развіццё сістэмы дыстанцыйнага навучання, што дазволіць студэнтам у міжсесійны перыяд сістэматычна вывучаць неабходную дысцыпліну з правядзеннем кантролю ведаў, выконваючы тэсты.