Барацьба ўрадавых і грамадска-палітычных арганізацый з таемным продажам хлебных прадуктаў у Беларусі (люты – кастрычнік 1917 г.)

Abstract

У артыкуле асвятляецца барацьба ўрадавых і грамадска-палітычных арганізацый з таемным продажам хлебных прадуктаў і вінакурэннем. Аўтар адзначае, што з пачаткам Лютаўскай рэвалюцыі навастворанаму Часоваму ўраду давялося вырашаць наспелыя пытанні эканомікі: дарагоўля, дэфіцыт прадуктаў харчавання, забеспячэнне шматмільённай арміі і інш. На валасных сходах, маніфестацыях, малебнах грамадскасць беларускіх губерняў, як і ў цэлым у Расіі, выказала поўную падтрымку ўрадавай праграме: вайна да пераможнага канца, рэалізацыя хлебнай манаполіі, будаўніцтва дэмакратычнай дзяржавы і паскораны рух да аграрнай рэформы. Пад восень 1917 г. адбываецца паглыбленне эканамічнага крызісу, пашыраецца чорны рынак продажу хлеба, нарастае дэфіцыт харчовых прадуктаў, зніжаецца аўтарытэт урадавых і сілавых структур. Вяскоўцы ўхіляюцца ад продажу хлебнай прадукцыі дзяржаве па «цвердых цэнах» на карысць «чорнага рынку»