Культурныя ўзаемадачыненні БССР і Польшчы ў 1921‒1939 гг.

Abstract

Артыкул прысвечаны разгляду асноўных форм навуковых узаемадачыненняў БССР і Польшчы ў 1921‒1939 гг.: кнігаабмену, супрацоўніцтву ў рамках канферэнцый, кангрэсаў; накіраванню замежных камандзіровак вучоных абодвух бакоў. Прыцягненне шырокага кола архіўныхкрыніц, якія ўпершыню ўводзяцца ў навуковы зварот, выкарыстанне спецыяльна-гістарычныхметадаў, прынцыпаў гістарызму і аб’ектыўнасці дазволілі прыйсці да высновы, што навуковыя беларуска-польскія ўзаемасувязі міжваеннага часу хоць і мелі пазітыўную дынаміку і стабільныя формы адносін, аднак не адрозніваліся планавасцю і рэгулярнасцю. Звяртаецца ўвага на той факт, што паступленні польскамоўнай літаратуры ў БССР знаходзіліся на другім месцы, пасля нямецкамоўных, агульны ўзровень арганізацыі працэсу кнігаабамену не дазваляў наладзіць якаснае навуковае даследаванне. Гэта адбівалася на дзейнасці даследчых цэнтраў паланістыкі, у тым ліку і Камісіі па вывучэнні Заходняй Беларусі. Упершыню ў айчыннай гістарыяграфіі прыводзяцца колькасныя паказчыкі выпісной літаратуры, што дазваляе прасачыць тэмпы кнігаабмену з польскім бокам, параўнаць з іншымі краінамі. Культурнае ўзаемасупрацоўніцтва БССР і Польшчы ў 1921‒1939 гг., нягледзячы на шматлікія супярэчнасці ў палітычнай сферы двухбаковых зносін (праблемы ў выкананні артыкулаў Рыжскага мірнага дагавора, пачуццё варожасці і недаверу ў грамадстве і кіруючых колах абодвух бакоў), мела пазітыўную дынаміку развіцця