Спадчына А. Куляшова і А. Пысіна ў серыі “Залатая калекцыя беларускай літаратуры”

Abstract

У серыю “Залатая калекцыя беларускай літаратуры”, заснаваную ў 2011 г. выдавецтвам “Мастацкая літаратура” сумесна з Інстытутам літаратуразнаўства імя Янкі Купалы НАН Беларусі, уваходзяць, як і заяўлена ў назве, найбольш значныя і знакавыя, “залатыя”, узоры айчыннага прыгожага пісьменства. Сярод іх хрэстаматыйныя і ўнікальныя, малавядомыя тэксты розных перыядаў, пачынаючы ад старажытнасці. У кожным канкрэтным выпадку абраны свой крытэрый для аб’яднання некалькіх індывідуальнасцей пад адной вокладкай. Для 23-га тома такім крытэрыем стаў “геаграфічны”: гэта выбранае двух землякоў – Аркадзя Куляшова і Аляксея Пысіна.