Кансанантная дыстрыбуцыя мяккага фрыкатыўнага [γ’] у беларускай літаратурнай мове

Abstract

Сярод актуальных тэарэтычных і прыкладных праблем сучаснага беларускага мовазнаўства асаблівае месца належыць даследаванню фанетычнай сістэмы ў цеснай узаемазвязанасці з працэсам маўлення і размеркавання фанем у маўленні. Устанаўленне як мага больш падрабязнага рэестра дыстрыбуцыйных кантэкстаў, характэрных для кожнага асобнага гука, – аснова для складання фаналагічнага корпуса беларускай мовы, разнастайных прыкладных праграм навучання беларускай мове, удасканалення сістэм аналізу і сінтэзу беларускага маўлення. Менавіта ў рэчышчы гэтых запатрабаваных задач знаходзіцца праца па стварэнні корпуса беларускай кансанантнай дыстрыбуцыі, якая прадугледжвае выяўленне спалучальных уласцівасцей і абмежаванняў асобных груп зычных, а таксама складанне базы магчымых кансанантных сегментаў.