Склад тэматычных груп тэрмінаў «Назвы тыпаў, складнікаў, характарыстык лесу», «Назвы відаў, уласцівасцей, характарыстык дрэў, дрэвавых парод і дрэвастою»

Abstract

Адно з цэнтральных пытанняў сучаснай лінгвістыкі – пытанне аб сістэмнасці мовы, якая праяўляецца ў сукупнасці элементаў, звязаных унутранымі адносінамі. Лексічны склад мовы не з’яўляецца выключэннем. Ён уяўляе сабой сукупнасць адзінак, узаемазвязаных парадыгматычнымі і сінтагматычнымі адносінамі, на аснове якіх вылучаюцца тэматычныя і лексіка-семантычныя групы лексікі. У дадзенай рабоце разгледзелі склад дзвюх тэматычных груп тэрмінаў «Назвы тыпаў, складнікаў, характарыстык лесу», «Назвы відаў, уласцівасцей, характарыстык дрэва і дрэвастою». Класіфікацыя тэрмінаў па тэматычным прынцыпе – важны этап у тэрміналагічнай рабоце. Аналіз слоў, аб’яднаных у групы ў залежнасці ад іх значэння, дазваляе выявіць сінанімічныя, антанімічныя аб’яднанні, зафіксаваць мнагазначнасць і аманімію і ўлічыць гэта пры стварэнні тэрмінасістэмы.