Дакументы Беларускага дзяржаўнага архіва навукова-тэхнічнай дакументацыі па гісторыі пасляваеннага аднаўлення г. Мінска

Abstract

У артыкуле асаблівая ўвага надаецца аналізу дакументальнай базы па гісторыі аднаўлення беларускай сталіцы пасля Вялікай Айчыннай вайны. Аўтар вылучае некалькі груп праектна-тэхнічнай дакументацыі, якая з’яўляецца найбольш інфарматыўнай пры вывучэнні заяўленай тэмы. Асаблівую цікавасць уяўляе апісанне дакументаў Нацыянальнага дзяржаўнага архіва навукова-тэхнічнай дакументацыі (Ф. 3, 10, 68, 76, 188, 263), паколькі матэрыялы пералічаных фондаў вельмі сціпла выкарыстоўваюцца сучаснымі беларускімі даследчыкамі пры вывучэні пасляваеннай рэканструкцыі г. Мінска. На падставе аналізу архіўных крыніц: праектнай і кіраўніцкай дакументацыі, статыстычных матэрыялаў, матэрыялаў асабістых фондаў беларускіх архітэктараў і фотаматэрыялаў паказваецца, што дакументальная база па гісторыі аднаўлення беларускай сталіцы з’яўляецца шырокай і разнапланавай. Робіцца вывад аб тым, што матэрыялы фондаў Беларускага дзяржаўнага архіва навукова-тэхнічнай дакументацыі адкрываюць новыя перспектывы для даследавання тэм, звязаных не толькі з аднаўленнем г. Мінска пасляваеннага перыяду, але і з рэканструкцыяй іншых беларускіх гарадоў. Выкарыстанне матэрыялаў афіцыйнага і прыватнага характару, якія закранаюць гэту праблематыку, дае магчымасць з вялікай доляй дакладнасці ўзнавіць асаблівасці развіцця беларускай дзяржавы ў першае пасляваеннае дзесяцігоддзе