Арганізацыя вучэбнага працэсу і навуковай дзейнасці ў Беларускім політэхнічным інстытуце ў даваенны час (па матэрыялах палітэхаўскай шматтыражкі)

Abstract

Артыкул прысвечаны даследаванню арганізацыі вучэбнага працэсу, навуковай дзейнасці, кадравай палітыкі ў Беларускім політэхнічным інстытуце ў 1930-я – пачатку 1940-х гг. – першапачтаковы этап дзейнасці вядучага тэхнічнага ўніверсітэта. Асноўнай крыніцай для напісання артыкула стала газета, якая выдавалася Беларускім політэхнічным інстытутам з 1935 г. – першапачатковая назва «За пролетарскага інжынера», а з 1938 г. – «Савецкі інжынер». У той перыяд шматтыражка друкавалася пераважна на беларускай мове. Публікацыя дазволіла выявіць не толькі поспехі студэнтаў у вучобе, спорце і навуковай дзейнасці, але і асаблівасці іх паўсядзённага побыту, унутраныя праблемы інстытута, а таксама спецыфіку кадравай палітыкі. У артыкуле прыводзяцца звесткі пра даваенны ўзровень падрыхтоўкі і пісьменнасці студэнтаў, сярэднюю паспяховасць, якасць дыпломных праектаў, меры па ўдасканаленні адукацыйнага працэсу і прыцягненні кваліфікаваных спецыялістаў. Артыкул паказвае, як фарміравалася сістэма вышэйшай адукацыі, якія патрабаванні прад'яўляліся да студэнтаў, як спалучаліся вучоба, навуковая дзейнасць і пазавучэбнае жыццё. Даследаванне падкрэслівае ролю друкаваных крыніц у рэканструкцыі гісторыі ВНУ і фарміраванні ўяўлення пра развіццё вышэйшай тэхнічнай адукацыі ў даваенны перыяд.