Асаблівасці адаптацыі і акультурацыі беларускіх эмігрантаў у ЗША (1918-1939 гг.)

Abstract

Артыкул даследуе асноўныя фактары, якія ўплываюць на працэсы сацыяльнай, эканамічнай, псіхалагічнай адаптацыі і акультурацыі беларускіх эмігрантаў у Злучаных Штатах Амерыкі ў міжваенны перыяд. Аўтар мяркуе, што тэарэтычныя аспекты даследавання адаптацыйных працэсаў павінны дапамагчы ў развіцці гістарычных метадаў вывучэння эміграцыных хваляў. Асаблівая ўвага нададзена аналізу індывідуальнай і першапачатковай адаптацыі беларусаў у ЗША з 1918 па 1939 г. Негатыўным наступствам адаптацыйных працэсаў з’яўляецца акультурацыйны стрэс, які можа прывесці да высокага ўзроўню псіхалагічнага і фізічнага дыстрэсу. Абапіраючыся на сучасныя даследаванні, можна сцвярджаць, што ўзровень акультурацыйнага стрэсу залежыць ад шматлікіх фактараў, такіх як стратэгія акультурацыі, характарыстыкі акультурацыйнай групы і прымаючага грамадства.