Рэарганізацыя і ліквідацыя нацыянальных школ БССР у 1934–1939 гг.

Abstract

У артыкуле на аснове шырокага комплексу архіўных дакументаў раскрыты асаблівасці працэсу рэарганізацыі і ліквідацыі нацыянальных агульнаадукацыйных школ БССР. Пасля прыняцця 26 ліпеня 1934 г. пастановы ЦК УКП(б) «Аб рабоце ЦК КП(б)Б і СНК БССР» кіраўніцтвам БССР быў узяты курс на перагляд сеткі не толькі польскіх, але і іншых нацыянальных школ. Разам з тым працэс рэарганізацыі і ліквідацыі школ нацыянальных меншасцяў БССР не набыў усёабдымнага маштабу. Аўтар падкрэслівае, што першапачаткова адказныя і кіраўнічыя работнікі разглядалі магчымасць існавання яўрэйскіх, польскіх і іншых школ у месцах кампактнага пражывання палітычна лаяльнага насельніцтва адпаведнай нацыянальнасці з выразнай этнічнай, культурнай і моўнай самаідэнтыфікацыяй. Пасля выхаду пастановы ЦК УКП(б) «Аб кіраўніцтве ЦК КП(б) Беларусі» ад 27 ліпеня 1937 г. працэс рэарганізацыі і ліквідацыі нацыянальных школ насіў паслядоўны і сістэмны характар. Канчатковае рашэнне аб лёсе яўрэйскіх школ было прынята 3 ліпеня 1938 г., калі выйшла пастанова Бюро ЦК КП(б)Б «Аб рэарганізацыі яўрэйскіх школ у Беларусі ў беларускія школы».