Уплыў карабельных кампаній на інтэнсіўнасць беларускай эміграцыі (1921–1939 гг.)

Abstract

У артыкуле аналізуецца ўплыў карабельных кампаній на інтэнсіўнасць беларускай эміграцыйнай хвалі ў краіны Паўночнай і Паўднёвай Амерыкі з 1921 па 1939 гг. Польскія дзяржаўныя органы імкнуліся кантраляваць прыбыткі замежных карабельных кампаній. Міністэрства замежных спраў і Міністэрства працы і сацыяльнага забеспячэння аналізавалі маштабы перасяленняў, Эміграцыйнае ўпраўленне і Эміграцыйны сіндыкат супрацоўнічалі з замежнымі карабельнымі лініямі. Эфектыўная рэклама агентаў павялічвала інтэнсіўнасць эканамічнай эміграцыі ў Канаду, ЗША, Аргенціну і Бразілію. Англійская параходная лінія «Red Star Line» вылучалася найбольш актыўнай рэкламай на тэрыторыі Заходняй Беларусі. Польскія ўлады імкнуліся павялічыць прыбыткі дзяржаўнай лініі «Гдыня – Амерыка», таму на заканадаўчым узроўні абмяжоўвалі дзейнасць замежных кампаній. Аўтар прыходзіць да высноў, што 1920-я гг. сталі найбольш спрыяльным перыядам для работы карабельных ліній, калі пашырылася масавая эміграцыя. Сусветны эканамічны крызіс аказаў негатыўны ўплыў на продаж карабельных карт. У 1930-я гг. англійскія і канадскія кампаніі заяўлялі пра несправядлівую канкурэнцыю, пра эканамічную дыскрымінацыю з боку польскіх улад