Кніга як праект у сучаснай выдавецкай практыцы

Abstract

Артыкул прысвечаны вызначэнню месца кнігі ў выдавецкім праекце, ахарактарызаваны ўмовы, пры якіх кніга пазіцыянуецца як праект. Прыводзяцца варыянты тлумачэння тэрміна «выдавецкі праект». Вылучаны прыкметы бізнес-мадэлі выдавецкага праекта: наяўнасць канкрэтнай мэты, унікальнасць праектуемага выдання, абмежаванасць у часе і дакладнае вызначэнне рэсурсаў, якія выдавецтва гатова вылучыць на выпуск тыражу. Адзначаны адметнасці рэдакцыйна-выдавецкай працы над кнігай, якая выпускаецца ў межах праекта: тэкст пішуць спецыялісты ў пэўнай галіне; выдавецтва садзейнічае аўтарам у атрыманні патрэбнай інфармацыі і распрацоўвае аптымальны арыгінал-макет; выпуск кнігі суправаджаецца мерапрыемствамі, якія прама або ўскосна спрыяюць яе прасоўванню; праца над кнігай асвятляецца шырокай грамадскасці праз СМІ, інфармацыю на афіцыйным сайце выдавецтва ці ў сацыяльных сетках. Прыведзены прыклады кніжных праектаў, прапанаваных беларускімі выдавецтвамі ў апошнія гады. Зроблены вывад аб тым, што не кожная кніга з’яўляецца праектам, але кожнае выдавецтва павінна імкнуцца, каб у яго рэпертуары былі праекты. Праектная тэхналогія дазваляе аптымальна выкарыстоўваць рэсурсы, атрымліваць рэзультат у азначаны тэрмін, аптымізуе дзейнасць выдавецтва і ўзмацняе яго імідж.