Творчыя і адукацыйныя праекты беларусаў у Італіі (1921–1939 гг.)

Abstract

У артыкуле прааналізавана дзейнасць беларускіх студэнтаў у каталіцкіх навучальных установах Рыма, прыведзены факты творчай кар’еры беларусаў у Італіі. Беларускі оперны спявак Павел Пракапеня рэгулярна выступаў з канцэртамі ў італьянскіх гарадах, плануючы папулярызаваць беларускую народную музычную культуру праз радыёзапісы ў Рыме. Ксяндзы-беларусы вучыліся ў Папскім Грыгарыянскім універсітэце і Папскім усходнім інстытуце ў Рыме. Беларускія католікі вылучаліся сваёй актыўнай грамадскай дзейнасцю, удзельнічалі ў міжнародных студэнцкіх арганізацыях, у 1926 г. дабіліся аўдыенцыі ў Папы Рымскага Пія XI. Беларускія ксяндзы ў Італіі адкрыта заяўлялі пра дыскрымінацыю беларусаў-католікаў у Польшчы, што прыводзіла да палітычных канфліктаў з палякамі на міжнародным узроўні. У артыкуле вызначана роля міжнароднага супрацоўніцтва беларусаў у Італіі. Пры падтрымцы нямецкага пасольства пры Ватыкане ксяндзы-беларусы планавалі адчыніць Беларускую духоўную семінарыю у Рыме. Праект семінарыі не быў рэалізаваны, аднак стаў чарговай спробай стварэння беларускай вышэйшай навучальнай установы за мяжой у міжваенны перыяд.