Суфіксацыя як спосаб утварэння выдавецкіх тэрмінаў

Abstract

Марфалагічны спосаб словаўтварэння з’яўляецца “найбольш прадуктыўным, творчым і дзейсным”, таму што пры дапамозе яго ствараюцца новыя словы на базе асноў і словаўтваральных афіксаў, якія існуюць у мове. У тэрмінаўтварэнні гэты спосаб таксама прадуктыўны, бо дазваляе паказаць узаемасувязь паняццяў праз структуру вытворчага тэрміна. Дамінуючым тыпам марфалагічнага тэрмінаўтварэння з’яўляецца суфіксацыя, шляхам якой сфарміраваліся і працягваюць узнікаць новыя тэрміналагічныя адзінкі, прычым суфіксы выступаюць элементамі, якія дазваляюць выражаць і дыферэнцыраваць разнастайныя сувязі і адносіны тэрмінаў. Для аналізу выдавецкіх тэрмінаў, утвораных шляхам суфіксацыі, быў узяты слоўнік “Выдавецкая справа ў тэрмінах” (аўтар У.К. Касько), які змяшчае звыш 1100 тэрмінаў. Былі вылучаны найбольш частотныя суфіксы і прааналізавана іх катэгарыяльнае значэнне.