Жыццядзейнасць сялянства ў кантэксце разгортвання грамадска-палітычнага руху (чэрвень – верасень 1917 г.): па матэрыялах Віцебскай губерні

Abstract

Вясной 1917 г. на неакупіраванай Беларусі распачаліся з’езды Саветаў рабочых і салдацкіх дэпутатаў, Сялянскага саюза, якія заклікалі сялянства дапамагчы ўраду і рыхтавацца да Устаноўчага сходу, каб нарэшце вырашыць зямельнае пытанне і самае галоўнае ўдзельнічаць у ажыццяўленні харчовай кампаніі. Абраныя на іх выканкамы заняліся адпаведнай агітацыйнай і арганізацыйнай працай, папаўняючы свой склад новымі дэлегатамі. У параўнанні з Сялянскім саюзам, а таксама з грамадска-палітычнымі ўстановамі рабочых і салдат – Саветамі дэпутатаў, прафесійнымі саюзамі, фабрычна- завадскімі камітэтамі – фарміраванне Саветаў сялянскіх дэпутатаў значна запавольвалася.