Беларускі хіміка-тэхналагічны інстытут: стварэнне і дзейнасць (1930–1933 гг.)

Abstract

Разглядаецца станаўленне вышэйшай хіміка-тэхналагічнай адукацыі ў Савецкай Беларусі ў 1930–1933 гг. У студзені 1930 г. урад БССР вырашыў перавесці адкрыты ў 1929 г. хіміка-тэхналагічны факультэт Беларускага дзяржаўнага ўніверсітэта ў ствараемы ў Мінску політэхнічны інстытут. Аднак у сувязі з новым курсам у CCCР на адкрыццё невялікіх вышэйшых тэхнічных навучальных устаноў (ВТНУ) у ліпені 1930 г. быў арганізаваны самастойны Беларускі хіміка-тэхналагічны інстытут (БХТІ) у Мінску. Дырэктарам прызначаны Я. З. Куніца. Паказаны праблемы станаўлення ВТНУ: дэфіцыт прафесарска-выкладчыцкіх кадраў, востры недахоп аўдыторый, месцаў у інтэрнатах для студэнтаў. У чэрвені 1932 г. са складу БХТІ быў выдзелены Інстытут харчовай прамысловасці, але праз дзевяць месяцаў прынята рашэнне аб аб’яднанні іх зноў у адзіны інстытут. Паколькі «карлікавыя» ВТНУ сябе не апраўдалі, у ліпені 1933 г. БХТІ ўвайшоў як факультэт у склад адчыненага нарэшце Беларускага політэхнічнага інстытута, дзе ў 1934 г. адбыўся першы выпуск спецыялістаў – былых студэнтаў БХТІ. У артыкуле прыведзены звесткі пра вядучых навукоўцаў, выкладчыкаў БХТІ, а таксама студэнтаў ВТНУ, якія сталі потым вядомымі вучонымі і кіраўнікамі.